يسعد مسائكم وصباحكم بكل خير
ان شاءالله ان كلكم طيبين 💕
اليوم حابه أقولكم عن أرواج انجلوت المات، عشان يكون عندكم خلفيه عنها قبل لا تشترونها 💕
معروف ان الأرواج المات لازم قبلها تقشرين شفايفك زين عشان ماتبين خطوط الشفايف او يبين ان شفايفك جافه وشكلها مايطلع حلو بالروج.
اخذت روجين من مجوعة الأرواج المات ..
الروج الأول هو 426
لون الروج بنفسجي نفس لون البيري . 😍
اللون يناسب جميع درجات البشرات سواء بيضاء او حنطيه او سمراء. 👌
زي ماتشوفون بالصوره الروج مااات ( تركيبة الروج واضحه بالصوره )
ثبات الروج عالي ممكن يدوم الى ٥ الى ٦ ساعات.
الروج الثاني اللي هو 425
الغالب على الروج البنك بس الاندرتون شوي مشمشي.
هاللون يناسب كل الدرجات بس بيطلع أحلى و مناسب أكثر على البشرات الحنطيه و السمراء 😍
نفس ثبات الروج اللي قبله.
أخذتهم من محل انجلوت.
سعر الروج الواحد ب ٧٥ ريال تقريباً. 💋
اذا عندكم اي سؤال اكتبوا لي بالكومنت 💕
اشوفكم بمواضيع قادمه 💋💕
