يسعد صباحكم ومساكم بكل خير وسعاده 💕
كيفكم مع البرد و الجو الحلو 😍
دايم اشوف البنات يحبون التدوينات اللي عن التسوق الأون لاين وانا أولهم 😂 💕
استمتع وانا اقرأ و أشوف مشتريات البنات والاشياء اللي يمدحونها وعجبتهم والاشياء اللي لا
دايم اتصفح مواقع التسوق وقت ما اكون فاضيه 😂
كولور بوب من المواقع اللي من زمان ابغى اطلب منهم و اجرب ارواجهم، كل اللي ببالي ابي اطلب ارواجهم
مجربه شدواتهم من أول عشان كذا ماطلبتها هالمره 💕
أنا مشتركه بالنشره البريديه حقتهم و شيكت مره وشفتهم كاتبين ان الشحن مجاني على كل الطلبات
فقلت حلو جت بوقتها 😂 💕
اللي يحبون يطلبون من النت اشتركوا بالنشره البريديه للمواقع اللي تفضلونها لانهم بالعاده يرسلون عروض و خاصه بالمشتركين فقط 👌
دخلت الموقع ولان عندي اكاونت فيه من اول مااحتجت اني اسوي اكاونت من جديد
بديت اتسوق واحترت وش آخذ بصراحه 😢 فيه ألوان كثيييير تجنن و متشابهه باختلاف بسيط.
تمت عملية الشراء و ارسلوا لي كونفرميشن عالايميل ان الطلب تم و بعدها ب ٤ او ٥ ايام تقريباً تم الشحن.
اخذت تقريباً على ماوصلتني اسبوعين 😍
اللي طلبته منهم محددات و ارواج كريميه و قلوسات ..
نبدأ بالمحددات ..
من أفضل المحددات عندي بعد برجوا طبعاً 😂❤️❤️
خيارات الألوان عندهم واسعه جداً. و ألوانهم أغلبها جمممميله. درجات النود والبينك عندهم تحيّييير مره. 😍
ثابته ماتروح بسرعه، بس تحتاجين ترجعين تحطين مع الأكل والشرب.
جودتها مقارنه بسعرها شي جداً ممتاااز. سعر المحدد ب $5 تقريباً ٢٠ ريال بس 💕
الشي اللي ما حبيته بهالمحددات انها صعبه اذا جيت ابريها لانها مو خشب، ف كل مابريت و بديت احط على شفايفي ينكسر المحدد 😓
هالشي هو اللي يطفش بس الالوان و شكلها عالشفايف يشفع لها 💕
شايفين جمال الألوان 😩
هنا سواتشز للمحددات 😍😍
الأسماء من فوق:
LUMIÈRE - هالدرجه دايم آوت اوف ستوك كثيير ناس يحبونها وانا منهم 😂❤️ اللون يجنن ويستاهل المدح 👌🏻
BOUND - هاللون يشبه اللون اللي قبله، بس بالنسبه لي فيه اختلاف . كلهم حلوين و هالدرجات هي اللي دايم احبها بالمححدات أو الأرواج
BRINK - هاللون قريب شوي من درجات البني والنود. جممميل عالشفايف 😍😍👌🏻.
FRINCK N' FRACK - هاللون من درجات البني الغامق شوي، اللون مو طبيعي 😍👌🏻👌🏻 خصوصاً الحين بالشتاء غالباً نختار الألوان الغامقه شوي.
BOSSY - هاللون يقتتتل 😩❤️❤️ مرره حبيتتته بالصوره طالع افتح شوي من الطبيعه. طلبته و طلبت الروج من زود الحب 😂❤️ اللون مررره حلو عالشفايف 👌🏻👌🏻👌🏻 عندهم درجات كثييير، هذي اختياراتي من المحددات، و انصحكم في المحددات لان درجاتها قريبه مرره من درجات ماك. 👌
هنا سواتشز للارواج 💕
اسمائهم من اليمين:
Button: هاللون ماانصحكم فيه كثير، لونه على اورنج فاتح. مااعجبني لونه.
Cookie: بني فاتح لونه جميل على بعض اللوكات. 👌
Bound : هذا اللون خذوه وانتو مغمضين لونه يجنن يجنن 😍😍
LUMIÈRE : هذا اللون البيست سيلر، لونه جمييييل حبيته 😍
Grunge: لونه بني محمر، يجنن على الشفايف 😍👌
Bossy: لونه أحمر صريح 😍😍 حلو مع ميك اب خفيف ايلاينر ويكون التركيز على الروج 👌
تركيبة الأرواج طبعاً كريميه 😍 جربت أرواجهم المات مره و تبت بعدها 🤕 تنشف وتبين خطوط الشفايف مررره 🤕 يمكن لاني مااحب الارواج المات كثيير 😶
كأني قمت أتكلم عن شي ثاني ؟ 😂 نرجع لهالأرواج، حبيتهااا حبيتهااا 😍👌🏻👌🏻👌🏻
و سعرها ممتاز نفس سعر المحددات 5$ بس تقريباً ٢٠ ريال. ألوانهم جميله و كثييير يعني مستحيل وحده ماتلقى اللي ببالها 😂❤️
نجي لهالجمااال 😍😍
القلوسات عندهم شي خيااااال ندمت اني طلبت اثنين بس 😂
الالوان مره حلوه عالشفايف انا احط المحدد اول وبعدها احط قلوس بالنص
يطلع شكلها جميل ومرتب 👌
طول الفتره اللي فاتت هذا كان ادماني بالدوام 😍
ان شاءالله المره الجايه لازم اطلب زياده من هالقلوسات 💕
وبس هذي كانت طلبيتي من كولور بوب
ان شاءالله انكم استفدتوا 💜
اشوفكم بتدوينات قادمه .. 💕
