السلام عليكم ..
يسعد صباحكم | مسائكم بكل خير .. 💕
The Manizer Sisters Palette 💕
ريڤيو باليت الأضاءه من ذا بالم
إضاءة ماري لو أحدثت ضجه كبيره
كثير بلوقرز أجانب و عرب تكلموا عنها
و انشهرت كثيير و من بعدها أغلب الماركات
طلعوا إضاءات كثيره
أنا يعجبني شكل الإضاءه بالميك اب ✨
احسها تعطي نضاره و تخلي الوجه صحي .
استخدمها مع فرشة الفان برش اللي هي المروحه
اخذ بالفرشه شوي ما اكثر و انفضها
لان لونها واضح واذا اخذتي كثير بيطلع شكلها عالخد مو حلو و مو مرتب
و ابدأ احطها بخفيف على عظمة الخد
اللوك اللي اعطتني اياه مره حلو و ناعم
حسيت وجهي فيه نضاره 👌🏻 لا تستخدمونها بالاصبع أو الطبطبه
بتخلي الاضاءه كأنها مفصوله عن الفاونديشن و مو مدموجه صح
الأفضل تستخدمونها بالفرشه 👌🏻
لها استخدامات ثانيه :
تحت الحاجب
عند مدمع العين
عظمة الخد
في كل الاستخدامات جميله وتعطي لوك حيوي
الفرشه راح تختلف حسب المكان اللي بتستخدمين فيه الاضاءه
الصوره توضح الأماكن اللي ممكن تستخدمون فيها الهايلايتر
نزلت ٣ درجات من الإضاءه :
ماري لو - تناسب البشرات البيضاء الى العاديه
كاندي لو - الإضاءه مايله الى الوردي أكثر، يُقال انها تناسب البشرات الأوروبيه 🤔
بيتي لو - تناسب البشرات السمراء .
فيه شي مهم أبغى اوضحه لكم، الإضاءه ما تنحط عالأماكن اللي فيها عيوب
مثل المسام او الحبوب او اثآر حبوب لأنها بتبرزها زياده ❌
انا اشوفها تستاهل الشراء خصوصاً هالباليت كل الألوان فيه و حجمه حلو ومناسب للسفر 👌🏻
كثيييير تاجرات يوفرونها
و ممكن موجوده ب وجوه لانهم قريب وفروا ذا بالم
السعر : بحدود ١٢٠ الى ١٥٠ ريال
ألقاكم في مواضيع جماليه قادمه.. 💕
