السلام عليكم .. يسعد مساكم بكل خير .. 💘
اليوم بقولكم عن تجربتي مع باليتات الايشادو و باليت الحواجب من مورفي.
انا طلبتها من موقعهم الاصلي، و اخذت تقريباً اسبوعين وبعدها وصلت بريدي الامريكي و شحنتها للسعوديه مع شركة WS1.
وصلتني ومافيه شي متكسر الحمدلله 😍
مورفي من الشركات اللي نجحت و بقوه، صرنا نشوف الباليتات بكل فيديو عاليوتيوب و بصور الانستقرام.
باليتات الايشادو تنفع كثير، الباليت الواحد الوانه كثيير و متنوعه و كلها من الالوان اللي تُستخدم و بقوه. جودتها تجنن مقارنه بسعرها اللي جداً جداً مناسب للكل. حتى لو اخذتي باليت واحد يكفي. و بعض الباليتات تكون كلها مات، او كلها شيمر او نصها شيمر ونصها مات.
نجي عند اللي طلبته 💛
اول شي باليت الحواجب
باليت باودر مو كريمي للحواجب، فيه ٦ الوان مختلفه بين الفاتح والغامق، و كونسيلر لتنظيف الحاجب و واكس يعتبر زي البرايمر عشان يزيد اللون يخليه اوضح ويدوم فتره اطول. الباليت ممكن تستخدمونه كـ كنتور بعد. 👌
انا متعوده استخدم جل انستازيا للحواجب. و مو مره صحبه مع الباودر بس جربته كم مره و حبيته. الالوان ثباتها حلوو و سهل بالاستخدام جداً. و الكونسيلر درجته مناسبه لتحت الحاجب 👌
نجي عند باليتات الايشادو اللي اخترتها 😍
اول واحد باليت 35W
من الباليتات اللي الالوان فيها مكس بين المات و الشيمر. هالباليت انا واقعه في غرامه، الالوان تجنن كلهاا. فيه الوان انتقاليه و الوان شيمر. الالوان سهله بالدمج و واضحه مره. جودتها تنافس بعض الماركات مثل ذا بالم و تو فيسد و لوراك. انصح فيه و بقوه 😍 فيه باليتات الوانها تختلف، اختاروا اللي يعجبكم.
الباليت الثاني هو 35OS
هذا الباليت اخترته يكون كله شيمر 💥
الالوااااان 😱💛💛💛 كلها تجننن و مع الفكس بلس تصير موووويه و اللون وااااضح 😍😍
الالوان خيااال خيال و يغني عن كثييير باليتات 👌 حبيتتته 😍
بعض العيوب:
الالوان بعضها ممكن تكون متقاربه.
العلبه تتوسخ بسرعه و بلاستك ف انتبهوا تطيح منكم.
اسعارهم تختلف بالموقع، ممكن بعض المحلات يوفرونهم. 💛
و بس اذا عندكم اي سؤال اكتبوا لي بالكومنت 💛
