مفضلات شهر فبراير 2017 | February Favorites
مارس 05, 2017
يسعد مساكم و صباحكم بكل خير وسعاده ..
كيفكم بنات 💗
اليوم بقولكم عن مفضلاتي في شهر فبراير 😍
مفضلاتي يعني أكثر الاشياء اللي استخدمتها في هالشهر من ميك اب وعطور وعنايه او أي شي اعجبني
قسمت الموضوع عشان يكون مرتب أكثر 💗
اول شي بقولكم عن مفضلاتي بالميك اب 💋
ببدأ بماسكرة سيفورا 😍
طحت بغرامها و بس استخدمها في الدوام و المناسبات ..
تعطي ڤوليوم و سوداء بس يبيلك تستخدمينها زين لانها ممكن تطبع تحت العين
الروج من ريفلون رقمه 015 💋
الدرجه جميله وتناسب الشتاء و البنات اللي يحبون الالوان الغامقه شوي
لونه عنابي بس مو غامق ابداً .. يناسب كل درجات البشره 💗
تركيبته مو كريميه ولا مات بينهم وهالشي حلو يخلي الروج يدوم لفتره طويله بنفس الوقت مو كريمي. 👌
و القلوس هذا صار عشقي 😍😍 اسمه Finders Keepers
من كولوربوب صورته اول ماطلبته ووصلني وسويت له سواتش في حسابي بالانستقرام.
اللي يحبون القلوسات لاتفوتكم حقت كولوربوب لانها شي يجنننن 😍 هذا غير عن اللون حكايه ثانيه على الشفايف 💗
مره حابته و اول مايخلص بطلب منه 😂
وهذي الباليتات حبيتها وبس استخدمها ..
عاليمين باليت ميت مات الجديد الوانه حلوه وعمليه فيه الفاتح و الغامق وممكن يناسب لوك بسيط او لوك سموكي 😍
و اللي عاليسار باليت بلشرز و هايلايترز من بيكا ... البلشر اثنين مات وواحد فيه لمعه خفيفه
و الهايلايتر لونين .. جميله الالوان عالبشره 😍💗
مجهزه بوست عن هالباليت لحاله من كثر ما هو عاجبني 😍😍
الحين مفضلاتي بالعنايه 💗..
المنتجين الصغار من ماڤالا للاظافر 💅
كتبت عنهم بالتفصيل في انستقرامي ...
عاليمين كريم يستخدم يوميا قبل النوم يساعد في حماية الاظافر من التكسر و يقويها، انا اظافري عليه فرقت مره صارت اقوى وماتتكسر ..
الثاني محلول ينحط مره بالاسبوع على طرف الاظفر فقط مو كامل الاظفر.. يقوي الاظافر بشكل ملحوظ ويطولها و يحميها من التكسر ..
اخذتهم من قزاز و على ان حجمهم صغير بس تجلس تطول معك كثييير
اذكر المحلول سعره بحدود ٥٠ ريال والكريم نسيت 🙊
العلبه الكبيره اللي عاليسار هو منظف الميك اب من غارنييه هذا عشقي الجديد 💗
حبيته حبيته واكيد برجع اشتريه 💗
يمسح الميك اب وينظف و مايألم اذا دخل بالعين عادي .. انا مشكلتي مع المنظفات الثانيه احياناً يدخل الصابون او المنظف داخل عيني وتصير حمراء شوي 😶 بس لقيت اللي يحل لي المشكله و اخيراً 😂
مااذكر سعره بكم بحدود ٣٠ او ٤٠ ريال يمكن.
الحين العطور 😍
القسم المفضل عندي
اكثر عطر استخدمته الفتره اللي فاتت كان ألور سينسويل من شانيل 💗
اتوقع كثيير منكم يعرفه و على انه قديم بس كل فتره لازم ارجع اشتريه ريحته تجنن 😍
مكوناته .. الازهار الشرقيه و الخشب والباتشولي و فيه لمحه بسيطه من الازهار و الفانيلا خفيفه جداً..
و مسك أرزة لبنان من عبدالصمد القرشي 😍
مدري كيف ممكن اوصف لكم ريحته بس شي يجنن يجنن ، مسك على ورود على ريحه شرقيه شوي ..
هذي رابع علبه اشتريها استخدمها بعد الشاور ، ووقت العزايم قبل دهن العود على اماكن النبض ، و بالبيت ريحته جميله جميييله وتناسب كل الاوقات..
بالنسبه لي، مليت من ريحة مسك العروس.
صرت بس اشتري أرزة لبنان ومسك الختام من عبدالصمد القرشي 👌
والحين عندهم خصومات ٤٥ او ٥٠ ٪ 👌
وبس هذي كانت مفضلاتي في فبراير 2017
اشوفكم في مفضلاتي القادمه ان شاءالله 💗
0 التعليقات