Shea butter from L'occitane ✨

السلام عليكم ..

صباحكم | مسائكم سعاده 💕

أغلب البنات ياخذون زبدة الشيا من لوكستيان 

لانه هو المحل اللي انشهر فيها 

وتقريباً محد يوفرها عندنا بالاسواق الا هالمحل

أنا ما حبيت زبدة الشيا الصفراء

اللي يبيعونها أغلب التاجرات

ثقيله مره و تدبق عالجسم و ريحتها مبينه ❌

بعكس هذي 👌🏻

تكفي معي شهر ونص تقريباً 

غالباً انا استخدمها بالشتا

لان ترطيبها قووي 💯

و بالشتاء معروف ان الجسم مع البرد يصير جااف 

فيحتاج ترطيب قوووي 

ما استخدمها كثير بالصيف، إلا بعد التقشير استخدمها ✨

ترطيبها يدووم لفتره طويله يعني مره وحده باليوم تكفي 👌🏻

وهالشي مريح مايحتاج ترطبين أكثر من مره بنفس اليوم.

ما تدبق 😍 هالشي خلاني أحبها أكثر 😂❤️ تنمد بسهوله عالجسم 

حتى كميه بسيطه تكفي 💕 

و مافيها ريحه مزعجه 

بالنسبه لي أنا دايم أرطب جسمي بعد الشاور مباشره

لما يكون الجسم رطب و مو ناشف،

ابدأ ارطب لأن الجسم يمتص الكريم او الزبده بسهوله 💯  ويستفيد أكثر و هالطريقه مريحتني جداً 👌🏻

انا في فتره كنت استخدم الروكتان

وتعرفون الروكتان تنشف الجسم ، 

والشفايف تحتاج ترطططيب قوي فاستخدمتها لشفايفي 

و عجبتني 😍 

ممكن حول الكيوتيكل ( حول الأظافر) او حول العيون بكميه بسيطه جداً

هي لها أكثر من استخدام وكل وحده واستخداماتها ✨

اخذتها من لوكستيان بالراشد 🌿

سعرها ٢٠٥ ريال 

دمتم بجمال و أنوثه.. 

ألقاكم في تدوينات جماليه قادمه ..💕