يسعد مساكم و صباحكم بكل خير وسعاده ..
كيفكم بنات 💗
ان شاءالله انكم مبسوطين وبكل خير..
موضوع اليوم عن الشوبينق اون لاين😍
قبل اسبوع تقريباً طلبت من موقع www.asos.com البريطاني
طبعاً هالموقع جداً مشهور و من زمان بعد. و كثير يطلبون منه.
فيه كثير ماركات مثل، تومي هيلفيجر، كالفن كلاين، لاكوست، اديداس، نايك، بوما، توب شوب، ريفر آيلاند، بول اند بير، نيو لوك و كثييييير الموقع مليان
و الملابس عندهم جداً جميله.
بالنسبه للكواليتي جداً ممتاااز و الاسعار فيه بعض القطع اسعارها حلوه وفيه قطع متوسطه و فيه غالي، بس الغالي احياناً يحطون عليه سيل.وغالباً القطع تخلص بسرعه عندهم و بضاعتهم تتجدد دايم.
و الاهم من هذا كله يوصلون دايركت للسعوديه، والشحن فري احياناً.
بس تحتاجون فيزا عشان الدفع.
فيه كم قطعة ملابس ماقد شفتها بالسوق ابداً بوريكم اياهم الحين، كانت بحدود ٤٠٠ و شي و حطوا عليها سيل يوم جيت اطلبها لقيتها آوت اوف ستوك 😢😢
اللي موجود عالبنطلون كله لولو و زي الخرز الاوف وايت، مره كان عاجبني.
و هذا البنطلون الثاني، بعد كل اللي فيه لولو 😍 عذااب والله 💗💗💗
انقهرت كنت ابي واحد منهم عالاقل ماتوقعت بتخلص بسرعه 😂
اصلاً انصدمت يوم شفتهم كلهم آوت اوف ستوك 😂💔
الحين بوريكم مشترياتي
نبدأ بسم الله.. 💕
اغلب اللي اخذته سبورت. من اول كنت ادور ميدي سكيرت من اديداس
دورت بموقعهم ومالقيت نفس اللي ابيه. دخلت ادور ب Asos و لقيت وحده حلوه من بوما. 💕
هنا كارا لابستها، اخذتها ب ١٠٠ و شي تقريباً 💗
مره اعجبتني عاللبس و القماش حلو و نفس اللي كنت ابيه 😍👌👌
هالتوب شفته صدفه و وقعت بغرامه، و عجبني اكثر يوم لبسته.
يحلي الجسم و يجنن عاللبس 👌
هنا على العارضه 💗
هذا البنطلون اول ماشفته انصدمت باللون، لاني طلبته على اساس لونه ابيض
بس يلا حتى هاللون جمميل و يمشي على اشياء كثير 👌💗
و آخر شي، اخذت هذا السليبر من بوما 💗 اعجبني وحبيتته من اول نظره 😍
و اخذت السوكس (الشراب) اللي طايحين فيه 😂 عاللبس يجنن 👌
ممكن ينلبس مع شوز سبورت او هيلز يعطي شكل وستايل جممميل 💗
هنا امثله على هالسوكس و كيف ممكن ينلبس..
في الانستقرام حقي نزلت أكثر من صوره وانا لابسته مع هيلز 😍
هنا حسابي اذا حابين تشوفونها Farahsblog@
*الصوره مو لي.
و بالاخير، اعجبني هالموقع كثير و اكيد اكيد برجع اطلب منه مره ثانيه وثالثه بعد 😂
انا اذا اعجبني شي مشكله 🙊
الطلب أخذ اسبوع على ما وصلني، الشحن مع شركة أراميكس.
و وصلني لحد باب البيت. ما احتجت اروح للمكتب 👌و هذا اللي احبه في اراميكس.
و اذا عندكم اي سؤال اكتبوا لي بالكومنت.. 💕
اشوفكم بتدوينات قادمه 💗
